Instituti i Kontabilistëve të Miratuar (IKM), në kuadër të angazhimit për zhvillimin e profesionit kontabël dhe forcimin e integritetit financiar në Shqipëri, shpall hapjen e regjistrimeve për Programin e Certifikimit “Kontabilist Ligjor”, një program i specializuar i zhvilluar në kuadër të projektit të Bankës Botërore për forcimin e raportimit financiar, auditimit dhe qeverisjes korporative.

Ky certifikim përfaqëson një hap të rëndësishëm në krijimin e ekspertizës profesionale në fushën e kontabilitetit ligjor, ekzaminimit të mashtrimeve financiare, hetimit të krimeve ekonomike dhe mbështetjes së proceseve gjyqësore me ekspertizë financiare.

Programi është ndërtuar mbi praktikat dhe standardet ndërkombëtare të kontabilitetit ligjor dhe ekzaminimit të mashtrimeve, duke marrë në konsideratë referencat profesionale të organizatave ndërkombëtare të specializuara dhe kuadrin evropian për parandalimin e pastrimit të parave dhe luftën kundër krimit financiar, i përshtatur me praktikën institucionale shqiptare dhe legjislacionin rajonal, duke synuar përgatitjen e profesionistëve që do të jenë në gjendje të identifikojnë, analizojnë dhe dokumentojnë raste të mashtrimeve financiare, korrupsionit, shpërdorimit të aktiveve dhe veprave të tjera ekonomike.

ÇFARË DO TË PËRFITONI NGA KY CERTIFIKIM

PROGRAMI I CERTIFIKIMIT

Programi përfshin 10 module profesionale dhe 64 orë trajnimi, të zhvilluara gjatë periudhës 10 Shtator – 17 Tetor 2026. Tematikat kryesore përfshijnë ekzaminimin e mashtrimeve, psikologjinë e mashtruesit, procesin investigativ, provat financiare, skemat korruptive, mashtrimet në epokën digjitale dhe procesin e rikuperimit të dëmit.

KALENDARI I TRAJNIMIT

KUJT I DREJTOHET PROGRAMI

• Kontabilistëve të Miratuar;
• Audituesve Ligjorë;
• Punonjësve të organeve të zbatimit të ligjit (institucionet e sistemit të drejtësisë, ato tatimore dhe doganore etj.).

SI TË REGJISTROHENI

Afati i fundit për regjistrim: 05 Shtator 2026

INFORMACIONE TË RËNDËSISHME

• Programi përbëhet nga 10 module profesionale me kohëzgjatje totale 64 orë, të shpërndara në 4 javë trajnimi (12 ditë).
• Seancat zhvillohen ditën e enjte dhe të premte me nga 4 orë, si dhe ditën e shtunë me nga 8 orë.
• Vendet janë të kufizuara dhe aplikimet do të pranohen sipas rendit të regjistrimit.
• Kalendari i plotë i trajnimit mund të shkarkohet më sipër.

Bëhuni pjesë e brezit të parë të profesionistëve të certifikuar në fushën e Kontabilitetit Ligjor në Shqipëri dhe kontribuoni në rritjen e transparencës, integritetit dhe luftës kundër korrupsionit e mashtrimit financiar.

Instituti i Kontabilistëve të Miratuar (IKM) ka kënaqësinë të njoftojë anëtarët e tij në lidhje me organizimin e Programit të Trajnimit dhe Certifikimit për Kontabilistin Ligjor (Forensic Accountant), një program i specializuar që synon zhvillimin e kompetencave profesionale në fushën e zbulimit, hetimit dhe parandalimit të mashtrimeve financiare dhe krimeve ekonomike.

Kontabiliteti ligjor përfaqëson një nga fushat më të avancuara të profesionit të kontabilitetit, duke kombinuar njohuritë e kontabilitetit, auditimit, analizës financiare dhe teknikave hetimore për identifikimin, dokumentimin dhe analizimin e shkeljeve financiare, si dhe për mbështetjen e proceseve hetimore dhe gjyqësore.

Në kushtet e rritjes së kompleksitetit të transaksioneve financiare, zhvillimeve teknologjike dhe ekspozimit ndaj formave të reja të mashtrimit financiar dhe krimit ekonomik, nevoja për profesionistë të specializuar në kontabilitetin ligjor po bëhet gjithnjë e më e rëndësishme, si për sektorin privat ashtu edhe për institucionet publike.

QËLLIMI I PROGRAMIT

Programi synon të krijojë një profil profesional të specializuar të Kontabilistit Ligjor, të ndërtuar mbi bazën e kompetencave të kontabilistëve të miratuar, duke i pajisur pjesëmarrësit me njohuritë dhe aftësitë e nevojshme për:

• Zbulimin, hetimin dhe parandalimin e mashtrimeve financiare;
• Analizimin dhe dokumentimin e krimeve ekonomike;
• Përgatitjen e raporteve profesionale dhe ekspertizave financiare;
• Ofrimin e mbështetjes profesionale në procedurat administrative dhe gjyqësore;
• Zbatimin e standardeve etike dhe profesionale në fushën e kontabilitetit ligjor.

OBJEKTIVAT KRYESORE

Në përfundim të programit, pjesëmarrësit do të jenë në gjendje të:

• Kuptojnë rolin e kontabilitetit ligjor në mjedisin ligjor dhe të biznesit në Shqipëri;
• Identifikojnë dhe analizojnë mashtrimet financiare dhe skemat e krimit ekonomik;
• Zbatojnë teknikat dhe metodologjitë e kontabilitetit ligjor sipas praktikave ndërkombëtare;
• Përgatisin raporte eksperti dhe të ofrojnë dëshmi profesionale në procese gjyqësore;
• Trajtojnë çështje të lidhura me krimet kibernetike, mashtrimin digjital dhe parandalimin e korrupsionit;
• Zbatojnë parimet e integritetit, pavarësisë, konfidencialitetit dhe etikës profesionale.

KUJT I DREJTOHET KY PROGRAM?

MBËSHTETJA INSTITUCIONALE DHE BAZA E PROGRAMIT

Programi i Trajnimit dhe Certifikimit për Kontabilistin Ligjor (Forensic Accountant) është zhvilluar në përputhje me rekomandimet dhe rezultatet e projektit për forcimin e profesionit kontabël në Shqipëri, të mbështetur nga Banka Botërore dhe të realizuar nga Grant Thornton.

Në kuadër të këtij projekti, Instituti i Kontabilistëve të Miratuar (IKM), si organizata përfituese e projektit, është ngarkuar me zhvillimin dhe administrimin e programit të certifikimit për Kontabilistin Ligjor në Shqipëri. Programi është hartuar mbi bazën e praktikave më të mira ndërkombëtare dhe është përshtatur me kuadrin ligjor, institucional dhe profesional shqiptar.

Në përputhje me rezultatet e projektit dhe mandatin e tij profesional, IKM do të organizojë procesin e trajnimit, vlerësimit dhe certifikimit të kandidatëve që përmbushin kriteret e përcaktuara për fitimin e titullit Kontabilist Ligjor (Forensic Accountant).

Instituti i Kontabilistëve të Miratuar (IKM) njofton të gjithë anëtarët Kontabilistë të Miratuar se do të organizojë trajnimin e Edukimit të Vijueshëm për Kontabilistët e Miratuar të Degëve dhe Seksioneve, në datat 28–30 Maj 2026. Programi përbëhet nga tre sesione të zhvilluara në tre ditë të njëpasnjëshme, me kohëzgjatje totale prej 12 orësh, dhe trajton tre tema të rëndësishme të kuadrit ligjor dhe profesional: Paqen Fiskale dhe çështje të tjera tatimore, teknologjinë e informacionit dhe sigurinë kibernetike, si dhe mbrojtjen e të dhënave personale (GDPR) dhe profesionin e Kontabilistit Ligjor.

SI TË REGJISTROHENI

Afati i fundit për regjistrim: 28 Maj 2026

INFORMACIONE TË RËNDËSISHME

• Trajnimi zhvillohet online nëpërmjet platformës Zoom.
• Sipas Rregullores së Edukimit të IKM, duhet të merrni pjesë minimalisht në 75% të orëve të trajnimit.
• Pjesëmarrja në trajnim njihet si orë të Edukimit të Detyrueshëm të Vazhdueshëm (EDV) për Kontabilistët e Miratuar.
• Programi i detajuar (oraret, sesionet, objektivat dhe rezultatet) mund të shkarkohet më sipër.

Instituti i Kontabilistëve të Miratuar (IKM) njofton të gjithë anëtarët Kontabilistë të Miratuar se do të organizojë trajnimin e Edukimit të Vijueshëm për Kontabilistët e Miratuar të Degës Tiranë, në datat 25–26, 28 Maj 2026. Programi përbëhet nga tre sesione të zhvilluara në tre ditë të njëpasnjëshme, me kohëzgjatje totale prej 12 orësh, dhe trajton tre tema të rëndësishme të kuadrit ligjor dhe profesional: Paqen Fiskale dhe çështje të tjera tatimore, teknologjinë e informacionit dhe sigurinë kibernetike, si dhe mbrojtjen e të dhënave personale (GDPR) dhe profesionin e Kontabilistit Ligjor.

SI TË REGJISTROHENI

Afati i fundit për regjistrim: 25 Maj 2026

INFORMACIONE TË RËNDËSISHME

• Trajnimi zhvillohet në auditor.
• Sipas Rregullores së Edukimit të IKM, duhet të merrni pjesë minimalisht në 75% të orëve të trajnimit.
• Pjesëmarrja në trajnim njihet si orë të Edukimit të Detyrueshëm të Vazhdueshëm (EDV) për Kontabilistët e Miratuar.
• Programi i detajuar (oraret, sesionet, objektivat dhe rezultatet) mund të shkarkohet më sipër.

Instituti i Kontabilistëve të Miratuar (IKM) njofton se do të organizojë trajnime për Hyrjen në Profesion (IPD), në kuadër të Provimeve të Aftësive Profesionale për Kontabilist të Miratuar, sipas kërkesave të IES 2–6 të IFAC-ut dhe Ligjit Nr. 10091/2009, i ndryshuar.

Në përfundim të trajnimeve, kandidatët do t’i nënshtrohen një testimi për t’u pajisur me certifikatat përkatëse.

SI TË REGJISTROHENI

Afati i fundit për regjistrim: 22 Prill 2026

INFORMACIONE TË RËNDËSISHME

• Sipas Rregullores së Edukimit të IKM, duhet të merrni pjesë minimalisht në 75% të orëve të trajnimit për ta konsideruar trajnimin të përfunduar.
• Kandidatët për KM duhet të ndjekin trajnimet për SKK dhe SNRF, të organizuara nga një Organizatë Profesionale e njohur nga BMP, në të cilën individi duhet të jetë anëtar.
• Programet e detajuara (oraret, modulet dhe lektorët) mund t’i shkarkoni nga butonat përkatës më sipër.