Organet Drejtuese

Pas diplomimit në FEUT si Ekonomist për Financë në vitin 1984, ka punuar si pedagog dhe studiues. Studimet pasuniversitare dhe ato doktorale lidhen me kontabilitetin, raportimin financiar, kontrollin e brendshëm dhe legjislacionin tatimor. Ka marrë gradën shkencore “Doktor i Shkencave Ekonomike” në vitin 1991, titullin “Profesor i Asociuar” në vitin 1998 dhe titullin “Profesor” në vitin 2007.

Ka shërbyer në pozicione drejtuese si zëvendësdekan i FEUT, përgjegjës i Departamentit të Kontabilitetit për 11 vjet, anëtar i Senatit dhe i Këshillit të FEUT, përgjegjës grupi lënde dhe anëtar i Komisionit të Promovimit të Personelit Akademik.

Ka botuar disa tekste bazë universitare për nivelin bachelor dhe master, si dhe mbi 10 tekste profesionale në fushën e kontabilitetit dhe raportimit financiar. Është autor ose bashkautor i dhjetëra artikujve shkencorë të botuar brenda dhe jashtë vendit dhe referues në dhjetëra konferenca shkencore.

Ka marrë pjesë dhe ka qenë drejtues në disa projekte kombëtare dhe ndërkombëtare të organizuara nga Ministria e Financave dhe Banka Botërore. Në vitet 2006–2008 ka qenë rishikues i përkthimit të Standardeve Ndërkombëtare të Raportimit Financiar.

Është trajner i certifikuar i IKM, IEKA dhe Ministrisë së Financave për SNRF, SKK dhe kontabilitet, me përvojë të gjerë si anëtar i bordeve drejtuese të ndryshme dhe i organizmave profesionale të kontabilitetit dhe të biznesit. Ka qenë anëtar i KKK nga viti 1999 deri në vitin 2013 dhe anëtar i Komitetit Kombëtar Drejtues të Kontabilitetit, si dhe është anëtar i Këshillit Tatimor prej vitit 2013.

Ka marrë dëshminë profesionale si Kontabilist i Miratuar në vitin 1998. Ka drejtuar Këshillin e Drejtimit të Institutit të Kontabilistëve të Miratuar në periudhën 2000–2013 dhe e drejton sërish prej vitit 2017.

Ka mbi 20 vjet përvojë pune si Drejtues Financiar dhe anëtar i Bordit Drejtues në një nga kompanitë kryesore të sigurimit. Për 19 vjet ka qenë pedagog pranë Fakultetit të Ekonomisë, Universiteti i Tiranës, për lëndët Parimet e Kontabilitetit, Kontabiliteti Financiar, Kontabilitet Kosto, Drejtim Financiar dhe Informatizim Financiar.

Është diplomuar në FEUT si Ekonomist për Financë në vitin 2000 dhe ka përfunduar studimet Master në Kontabilitet në vitin 2008. Ka përfunduar programin e studimit International Management Development pranë Universitetit Zeppelin, Gjermani, në vitin 2017, si dhe programin e studimit International Management pranë ESMT Berlin, Gjermani, në vitin 2018.

Ka marrë dëshminë profesionale si Kontabilist i Miratuar në vitin 2003. Prej vitit 2021 është nënkryetar i Këshillit të Drejtimit të IKM. Nga viti 2017 deri në vitin 2021 ka qenë Kryetar i Komitetit të Kontrollit të Cilësisë së IKM (sot Komiteti i Menaxhimit të Cilësisë) dhe, prej vitit 2020, është anëtar i Komisionit të Provimeve të Aftësive Profesionale pranë BMP.

Ka përfunduar studimet në vitin 1986 në degën Financë–Kontabilitet pranë Fakultetit Ekonomik, Universiteti i Tiranës. Ka punuar në sektorë të ndryshëm të ekonomisë, si dhe në institucione shtetërore. Mban titullin Kontabilist i Miratuar prej vitit 2000.

Në vitin 2017 është certifikuar nga Këshilli Kombëtar i Kontabilitetit dhe Banka Botërore për Standardet Kombëtare të Kontabilitetit dhe Standardet Ndërkombëtare të Raportimit Financiar. Në vitin 2019 është certifikuar nga AACR për Zhvillimin e Programeve të Edukimit të Vijueshëm për Organizatat Profesionale, si dhe për Programin e Edukimit të Vijueshëm për Kontrollin e Brendshëm dhe Sistemet Kontabël të Informacionit.

Është anëtar i IKM prej vitit 2003 dhe anëtar i Komitetit të Edukimit dhe Kualifikimit Profesional të IKM. Aktualisht mban postin e Drejtorit Ekzekutiv të Institutit të Kontabilistëve të Miratuar.