Thirrje e Hapur për Anëtarë të Komisionit të Vlerësimit të Kandidaturave

Instituti i Kontabilistëve të Miratuar shpall thirrjen e hapur për anëtarë të Komisionit që do të vlerësojë aplikimet për zgjedhjet e ardhshme të Këshillit të Drejtimit, Komitetit të Auditimit të Brendshëm dhe Komitetit të Kontrollit të Cilësisë.

Kritere për përzgjedhjen si anëtar i Komisionit:

• Në datën e paraqitjes së kandidaturës, kanë paguar kuotat e anëtarësisë në afatin e rregullt për 3 (tre) vitet e fundit;

• Janë të regjistruar në Regjistrin Publik të IKM;

• Kanë jo më pak se 5 (pesë) vite anëtarësi në IKM si Kontabilistë të Miratuar Aktivë;

• Kanë përmbushur detyrimet e Edukimit të Vijueshëm sipas akteve rregullatore në fuqi;

• Nuk janë ndëshkuar me masa disiplinore në dy vitet e fundit nga organet drejtuese të IKM, Bordi i Mbikëqyrjes Publike, organet administrative ose gjyqësore;

• Nuk janë zgjedhur Kryetarë të Degës ose të Seksionit;

• Nuk kanë paraqitur kandidaturën e tyre për asnjë nga organet drejtuese.

Dokumentacioni i nevojshëm për aplikim:

• Kërkesa për kandidim;

• Kopje e mjetit të identifikimit;

• Dëshmi penaliteti (vetëdeklarim i gjendjes gjyqësore).

Afati i paraqitjes së kandidaturës

Dokumentet dorëzohen pranë sekretarisë së Institutit të Kontabilistëve të Miratuar, jo më vonë se data 23 Shtator 2025.