Portali i anëtarëve

Portali i anëtarëve është hapësira online ku çdo anëtar ndjek marrëdhënien e tij me Institutin: të dhënat e anëtarësisë si Kontabilist i Miratuar, gjendjen e kuotave dhe orët e Edukimit të Vijueshëm. Portali u jep anëtarëve, në çdo moment, pamjen e plotë të detyrimeve të përmbushura dhe të atyre në pritje, dhe zëvendëson shkëmbimin e dokumenteve me email.

Hyr në portal →

Çfarë ofron portali

• Të dhënat e anëtarësisë — numri i regjistrit, kategoria, dega ose seksioni, të dhënat e dëshmisë dhe kontaktet, me mundësinë e përditësimit të tyre.
• Kuota e anëtarësisë — gjendja e kuotës për vitin në vijim dhe historiku i pagesave.
• Edukimi i Vijueshëm Profesional — orët e strukturuara të regjistruara nga IKM pas çdo trajnimi, orët e njohura nga programe të tjera dhe të vetëraportuara, dhe gjendja e detyrimit për vitin dhe për ciklin trevjeçar.
• Certifikatat e trajnimeve — certifikatat e lëshuara nga IKM për trajnimet e ndjekura.

Në zhvillim

Deri në fillim të vitit 2027, portali do të përfshijë edhe licencën e anëtarit, regjistrimin në trajnime dhe dorëzimin e Deklaratës Vjetore dhe të Deklaratës Personale të Punësimit. Deri atëherë, deklaratat dorëzohen nëpërmjet formularit online të njoftuar nga IKM dhe regjistrimi në trajnime bëhet me formularin e secilit njoftim.

Kredencialet

Kredencialet e hyrjes u dërgohen anëtarëve me email në adresën e deklaruar gjatë regjistrimit, pas miratimit të anëtarësimit nga Komiteti i Regjistrimit dhe Licencimit. Fjalëkalimi mund të rivendoset nga vetë anëtari nëpërmjet lidhjes “Keni harruar fjalëkalimin?” në faqen e hyrjes. Kur adresa e emailit ka ndryshuar ose hyrja nuk është e mundur, sekretaria e IKM e rikthen aksesin pas verifikimit të identitetit. Portali u shërben anëtarëve Kontabilistë të Miratuar dhe Shoqërive të Kontabilitetit.

Siguria e të dhënave

Portali mbështetet në platformën e furnizuesit Zoho, me përpunim të të dhënave në Bashkimin Evropian, dhe përdoret vetëm për administrimin e anëtarësisë. Aksesi në të dhënat e çdo anëtari u jepet vetëm personave të autorizuar të strukturës ekzekutive dhe komiteteve përkatëse, siç përshkruhet në Politikën e Privatësisë.

Ndihmë

Për probleme me hyrjen ose me të dhënat e shfaqura, stafi i IKM është i gatshëm të ndihmojë në ikm.alb@gmail.com, në +355 69 480 0551 ose nëpërmjet faqes Kontakt.