Pyetje të shpeshta për kandidatët

Ligji kërkon studimet universitare të ciklit të dytë, në nivelin “Master”, ose një diplomë të ekuivalentuar me këtë nivel, në një nga degët e shkencave ekonomike. Diploma “Bachelor” nuk e plotëson këtë kusht. Kërkesa për anëtarësim si kandidat mund të paraqitet pas përfundimit të studimeve “Master”.

Ligji pranon degët e shkencave ekonomike: kontabilitet, financë, administrim biznesi, ekonomik dhe degë të barasvlershme me to. Vlerësimi i rasteve të tjera është atribut i KPAP dhe i BMP, që administrojnë procesin e provimeve: rekomandohet të merret konfirmimi me shkrim përpara dorëzimit të kërkesës, me email në info@bmp.al ose kpap@bmp.al. IKM mund të orientojë kandidatin drejt këtyre kanaleve.

Diploma e huaj shoqërohet me dokumentin e njohjes dhe të ekuivalentimit të lëshuar nga ministria përgjegjëse për arsimin (DIND). Dokumenti i ekuivalentimit dorëzohet së bashku me diplomën si gjatë anëtarësimit si kandidat, ashtu edhe gjatë regjistrimit në provime.

Të paktën tre vjet përvojë profesionale në fushën e kontabilitetit, të financës, të kontrollit financiar dhe në fusha të ngjashme, siç e përcakton neni 49 i Ligjit Nr. 10091. Tre vitet duhet të jenë plotësuar në momentin e regjistrimit në provime. Për përvojën në fusha të ngjashme ose për raste të veçanta, vendimi është atribut i KPAP dhe i BMP, të cilëve kandidati mund t’u drejtohet në info@bmp.al ose kpap@bmp.al. → Përvoja profesionale

Anëtarësimi si kandidat në IKM bëhet pas plotësimit të kriterit të përvojës, sepse i njëjti kriter kërkohet nga KPAP për regjistrimin në provime; kështu certifikatat e Trajnimit të Hyrjes në Profesion i shërbejnë kandidatit menjëherë. Për personat që i kanë kaluar provimet, kriteri i përvojës konsiderohet i plotësuar.

Ligji kërkon që kursi i kualifikimit SKK dhe SNRF të jetë kryer pranë organizatës profesionale të njohur nga BMP në të cilën kandidati synon të anëtarësohet, dhe pas provimeve profesioni ushtrohet vetëm si anëtar i një organizate të tillë. IKM është një nga organizatat e njohura nga BMP; anëtarësimi si kandidat në IKM i hap rrugën kursit dhe, më pas, regjistrimit si Kontabilist i Miratuar.

Komiteti i Regjistrimit dhe Licencimit mblidhet të paktën një herë në muaj kur ka kërkesa të reja. Kërkesa e plotë shqyrtohet në mbledhjen e radhës dhe kandidati njoftohet për vendimin brenda dhjetë ditëve pune.

Statusi i kandidatit është vjetor dhe rinovohet me pagesën e kuotës së anëtarësimit për çdo vit kalendarik, deri në regjistrimin si Kontabilist i Miratuar.

Dy herë në vit, në pranverë dhe në vjeshtë, me pjesëmarrje fizike. Datat publikohen te Njoftime → Trajnime dhe u dërgohen me email kandidatëve të anëtarësuar.

Trajnimi i Hyrjes në Profesion (modulet SKK dhe SNRF) është një nga kriteret ligjore për regjistrimin në provime dhe kryhet nga çdo kandidat; për hyrjen në testim kërkohet pjesëmarrja në të paktën 75% të orëve. Kurset parapërgatitore për provimet janë mbështetje shtesë dhe ndiqen sipas zgjedhjes së kandidatit.

Certifikatat për SKK dhe SNRF lëshohen pas kalimit të testimit. Kandidati që nuk e kalon testimin mund ta rijapë atë në sesionin e radhës të trajnimit.

Për regjistrimin në provime, certifikatat janë të vlefshme nga momenti i lëshimit, me përjashtim të rasteve kur në standardet përkatëse ndodhin ndryshime thelbësore, sipas kritereve që KPAP publikon për çdo sezon.

Komisioni i Provimeve të Aftësive Profesionale (KPAP), i cili funksionon pranë Bordit të Mbikëqyrjes Publike. KPAP vendos për regjistrimin, zhvillon provimet dhe shpall rezultatet; BMP lëshon certifikatën e titullit dhe shqyrton ankimet. IKM përgatit kandidatët dhe u përcjell njoftimet; asnjë regjistrim dhe asnjë pagesë për provimet nuk kryhet pranë IKM.

Tre: raportimi dhe përgatitja e pasqyrave financiare; zbatimi në praktikë i legjislacionit civil, penal, tregtar dhe i punës; zbatimi në praktikë i legjislacionit të tatimeve dhe taksave. Radha e tyre caktohet në kalendarin e secilit sezon. Kandidatët për Auditues Ligjor japin edhe tre provime të tjera.

Po. Kandidati mund të regjistrohet në secilin prej tre provimeve pavarësisht nga rezultati i provimit paraardhës, dhe provimet e kaluara ruhen nga sezoni në sezon. Afati për të kaluar të tri provimet është pesë vjet nga regjistrimi; kur afati kalon pa u përmbushur të tri provimet, procesi fillon nga e para.

Pranë sekretarisë teknike të KPAP, e cila funksionon pranë IEKA, brenda periudhës së përcaktuar në njoftimin e sezonit; një kopje e kërkesës, së bashku me dokumentin e pagesës së tarifës së regjistrimit, dorëzohet pranë BMP. Lista e dokumenteve publikohet për çdo sezon në faqen e BMP. → Provimet e Aftësive Profesionale

KPAP i shpall rezultatet jo më vonë se 15 ditë pune pas përfundimit të korrigjimit, në faqet e BMP dhe të IEKA, dhe njofton çdo kandidat individualisht në mënyrë elektronike. Teza e zgjidhur publikohet brenda 72 orëve nga provimi.

Ankimi dorëzohet pranë Bordit të Mbikëqyrjes Publike brenda afatit që publikohet së bashku me rezultatet e çdo provimi; Bordi e shqyrton atë jo më herët se 10 dhe jo më vonë se 45 ditë pune nga dorëzimi dhe vendimet e tij janë përfundimtare. Kur kandidati vëren një gabim në çelësin e zgjidhjeve të publikuar, ai vë në dijeni KPAP.

BMP lëshon certifikatën e titullit. Kandidati zgjedh kategorinë e anëtarësisë sipas mënyrës si do ta ushtrojë profesionin dhe paraqet një aplikim të ri online për regjistrim si Kontabilist i Miratuar. Pas miratimit nga Komiteti i Regjistrimit dhe Licencimit, ai pajiset me licencë dhe përfshihet në Regjistrin Publik.

Profesioni ushtrohet pas regjistrimit si anëtar i një organizate profesionale të njohur nga BMP, pajisjes me licencë dhe përfshirjes në Regjistrin Publik të saj. Kërkesa për regjistrim mund të paraqitet sapo kandidati të ketë certifikatën ose vërtetimin e provimeve nga KPAP.

Po. Sipas Rregullores Nr. 2 të BMP, Kontabilistët e Miratuar që i kanë kaluar tri provimet kalojnë drejtpërdrejt në provimet e tjera të disiplinave për Auditues Ligjor, kur plotësojnë kërkesat e tjera të ligjit për atë titull dhe kur programet e provimeve të dhëna nuk kanë pësuar ndryshime të konsiderueshme.

Procedura përfshin pesë pagesa: kuotën vjetore të anëtarësimit si kandidat, tarifën e Trajnimit të Hyrjes në Profesion dhe tarifat e kurseve parapërgatitore, që kryhen pranë IKM dhe u komunikohen kandidatëve nga sekretaria; tarifën e regjistrimit në provime dhe tarifën për secilin provim, që përcaktohen nga BMP, kryhen në llogarinë e BMP dhe publikohen në dokumentin e kritereve të sezonit. IKM nuk arkëton asnjë pagesë për regjistrimin ose për provimet.