Trajnimi i Hyrjes në Profesion, Tetor – Nëntor 2026
Instituti i Kontabilistëve të Miratuar organizon trajnimet për Hyrjen në Profesion (IPD) për kandidatët për Kontabilist të Miratuar, në kuadër të Provimeve të Aftësive Profesionale, sipas kërkesave të IES 2–6 të IFAC dhe të Ligjit Nr. 10091/2009, i ndryshuar.
Regjistrimet për trajnimet e Tetor–Nëntor 2026 pranohen deri më 21 Tetor 2026.
Modulet e trajnimit
Standardet Kombëtare të Kontabilitetit (SKK)
32 orë, në 6 ditë, me 5 lektorë. Temat: Ligji i Kontabilitetit dhe SKK 1–15.
Standardet Ndërkombëtare të Raportimit Financiar (SNRF)
20 orë, në 3 ditë, me 5 lektorë. Temat: SNK/SNRF në fuqi, analiza e pasqyrave financiare dhe kosto-drejtimi.
Në përfundim të trajnimeve, kandidatët i nënshtrohen një testimi për t’u pajisur me certifikatat përkatëse.
Regjistrimi
Anëtarësimi si Kandidat
Kandidatët që nuk janë ende të regjistruar pranë IKM fillimisht anëtarësohen si Kandidatë për Kontabilist të Miratuar, nëpërmjet formularit online të anëtarësimit.
Anëtarësimi si kandidatRegjistrimi në trajnim
Kandidatët e regjistruar kryejnë pagesën e tarifës së trajnimit në llogaritë bankare të IKM dhe plotësojnë formularin e regjistrimit për trajnimin.
Formulari i regjistrimitKushtet e pjesëmarrjes
- Sipas Rregullores së IKM për Edukimin dhe Kualifikimin Profesional, trajnimi konsiderohet i përfunduar kur kandidati ka frekuentuar plotësisht modulet e detyrueshme dhe ka rezultuar kalues në vlerësimin përfundimtar të organizuar nga IKM.
- Kandidatët për Kontabilist të Miratuar ndjekin trajnimet për SKK dhe SNRF të organizuara nga një organizatë profesionale e njohur nga Bordi i Mbikëqyrjes Publike, në të cilën janë anëtarë.
Për pyetje rreth trajnimeve të Hyrjes në Profesion, stafi i IKM është i gatshëm të ndihmojë në ikm.alb@gmail.com ose nëpërmjet faqes Kontakt.