Thirrje për aplikim Lektor pranë IKM – Janar 2025

Në përputhje me Rregulloren Nr. 06, datë 07.09.2018, “Për Edukimin dhe Kualifikimin Profesional”, e ndryshuar, dhe bazuar në Vendimin Nr. 4 të Këshillit të Drejtimit, shpallim thirrjen për lektorë të Edukimit të Vijueshëm Profesional për trajtimin e temave të mëposhtme:

Temat e Trajnimeve

1. Trajtimi Tatimor i Pagave sipas Ligjit të Ri për Tatimin mbi të Ardhurat.
2. Trajtimi Tatimor i Kompensimeve dhe Përfitimeve Jo-Monetare për Punonjësit.
3. Trajtimi Kontabël i Bonuseve të Shitjes dhe Pagesave në Fund të Vitit (bonuset, pagat e 13-ta, etj.).
4. Analiza dhe Pajtimi i Diferencave në Deklaratat Tatimore (TVSH, Fitim, TAP) dhe deklaratat e reja fiskale për vitin 2025 (p.sh. DIVA).
5. Tatimi në Burim dhe Autongarkesa në Transaksionet Ndërkombëtare.
6. Tatimi mbi Vlerën e Shtuar për shërbimet ndërkombëtare dhe rregullimet praktike.

Kriteret e Aplikimit

Kandidatët duhet të plotësojnë këto kritere:

• Shtetësia dhe vendbanimi: Të jenë shtetas shqiptarë me banim të përhershëm në Republikën e Shqipërisë.
• Zotësia ligjore: Të kenë zotësi për të vepruar.
• Kualifikimet arsimore: Të kenë përfunduar studimet universitare të ciklit të dytë ose të zotërojnë një diplomë ekuivalente në auditim, kontabilitet ose financë.
• Përvoja profesionale: Minimumi 5 vite përvojë pune të përgjithshme në raportim financiar ose auditim ligjor, si dhe përvojë të lidhur ngushtë me temën që do të trajtohet.
• Integriteti profesional: Të mos kenë masa disiplinore të largimit nga puna për shkelje të rëndë disiplinore në dy vitet e fundit.
• Gjendja Gjyqësore: Të mos jenë të dënuar apo ndjekur penalisht nga organet e drejtësisë.

Dokumentacioni i Nevojshëm

Aplikantët duhet të dorëzojnë:

1. Dokument Identifikimi (ID ose pasaportë).
2. Jetëshkrim (CV) në gjuhën shqipe.
3. Fotokopje të diplomës universitare.
4. Dëshmi Penaliteti ose vetë-deklarim të gjendjes gjyqësore.
5. Një ekstrakt i shkurtër i temës që do të trajtohet, duke përfshirë strukturën e propozuar për zhvillimin e trajnimit.

Afati dhe Adresa e Dorëzimit

• Dokumentacioni duhet të dorëzohet në adresën: ikm.alb@gmail.com
• Afati i fundit për aplikim: 06.01.2025.

🔔 Kujdes: Dorëzimi i plotë i dokumentacionit përbën kusht për kualifikimin e kandidatit.