Trajnimi i Trajnerëve (ToT) | 2 – 7 Dhjetor 2024

Instituti i Kontabilistëve të Miratuar (IKM), në kuadër të projektit të financuar nga Banka Botërore, “Zhvillimi i shërbimeve të kontabilitetit, ndërgjegjësimi publik dhe kontabiliteti ligjor për Kontabilistët e Miratuar,” organizoi një trajnim intensiv të trajnerëve (ToT) në datat 2 deri më 7 Dhjetor 2024. Ky trajnim u realizua nga Grant Thornton, konsulenti i përzgjedhur për zbatimin e këtij projekti, me synimin për të forcuar kapacitetet e profesionit të kontabilitetit në Shqipëri dhe për të përgatitur profesionistët për eksportin e shërbimeve kontabël në tregun ndërkombëtar.

Qëllimi i Projektit

Projekti synon:

• Përmirësimin e kapaciteteve të profesionistëve shqiptarë të kontabilitetit për të eksportuar shërbime kontabël ndërkombëtarisht.
• Zhvillimin e njohurive dhe aftësive teknike në Kontabilitet Ligjor dhe Standardet Ndërkombëtare të Raportimit Financiar (IFRS).
• Organizimin e trajnimeve cilësore për trajnerët vendas, duke i pajisur ata me aftësi për të transmetuar njohuritë te profesionistët kontabël shqiptarë.

Struktura e Trajnimit

Trajnimi përfshiu pesë module kryesore:

• Moduli I: Aftësi Trajnimi.
• Moduli II: Aftësi teknike në IFRS.
• Moduli III: Aftësi teknike në shërbimet e outsourcing të kontabilitetit.
• Moduli IV: Aftësi teknike në Kontabilitet Ligjor.
• Moduli V: Vlerësimi i kursit dhe reagimet e pjesëmarrësve.

Rezultatet Kryesore

• Rritja e kapacitetit të trajnerëve vendas për të zhvilluar kurse efektive dhe të standardeve ndërkombëtare.
• Përgatitja e profesionistëve kontabël shqiptarë për të konkurruar në tregun ndërkombëtar të shërbimeve kontabël.
• Zbatimi i programit të certifikimit në Kontabilitet Ligjor.

Ekipi i Ekspertëve

Ekspertët ndërkombëtarë:

• Z. Stewart MacLeod
• Znj. Sandra Damijan

Ekspertët kombëtarë:

• Z. Kledi Kodra, FCCA
• Znj. Alba Sharra, CA
• Znj. Esmeralda Gjomemo
• Znj. Manjola Islami, CFA

Instituti i Kontabilistëve të Miratuar falenderon të gjithë pjesëmarrësit dhe Grant Thornton për realizimin e këtij trajnimi të rëndësishëm, që përfaqëson një hap të rëndësishëm drejt zhvillimit të mëtejshëm të profesionit të kontabilitetit në Shqipëri.